Italiýanyň “Ýuwentus” toparynyň ýarymgoragçy Bleýz Matuidi bilen şertnamasynyň tamamlanandygy mälim edildi. Taraplar özara ylalaşyk esasynda şertnamany bes etdiler.
Fransuz raýaty 2017-nji ýyldan bäri “Ýuwentus”-da çykyş edip gelýär. Topar üçin jemi 133 oýun oýnady we 8 pökgi geçirdi. Futbolçy “Ýuwentus” toparynyň düzüminde çykyş eden döwründe ýurduň kubogy we Super kubogyny alandan soň, üç gezek Italiýanyň çempiony bolmagy başardy.
33 ýaşly ýarymgoragçynyň karýerasyny Deýwid Bekhamyň “Inter Maýami” toparynda dowam etdirjekdigi habar berildi.