Iki agram derejesinde absolýut söweş çempionatynyň (UFC) öňki çempiony irlandiýaly Konor Makgregor 2024-nji ýylyň tomsunda gaýtadan ýaryşlara gatnaşyp biler. Bu barada absolýut söweş çempionatynyň (UFC) ýolbaşçysy Deýn Uaýt habar berdi.
– Onuň bilen gürleşdim. Konoryň ýagdaýy gowy we ol taýýar. Ýene-de ýarym ýyldan doping synaglaryndan geçip biler. Eger wakalara hakykat gözi bilen seredilende, ony indiki ýylyň tomsunda ýaryşlarda görüp bileris – diýip belledi.
35 ýaşyndaky Makgregor UFC ýaryşlarynda 22 gezek ýeňiş gazanyp, 6 tutluşykda ýeňildi. Ol özüniň ilkinji derejesini 2015-nji ýylda gazandy. Irlandiýaly türgen birbada iki agram derejesinde absolýut söweş çempionatynyň çempiony bolan ilkinji türgendir.
Ol soňky tutluşygyna 2021-nji ýylyň iýulynda amerikaly Dastin Porýe bilen çykdy we şonda aýagyny döwdüripdi.
