Basketbolçy Kobi Braýant, Amerikan telewideniýe akademiýasy tarapyndan berilýän “haýyr-sahawat we jemgyýete goşan goşandy” üçin 2020-nji ýylda «Emmy Governors» baýragyna eýe boldy.
2020-nji ýylyň ýanwar aýynda dikuçar heläkçiliginde pajygaly ýagdaýda aradan çykan basketbol ýyldyzy Kobi Braýant Amerikan telewideniýe akademiýasy tarapyndan sylaglanar.
13 ýaşly gyzy Janna bilen bolan heläkçilik sebäpli 42 ýaşynda aradan çykan meşhur türgen basketbol meýdançasynyň daşynda “haýyr-sahawat, jemgyýete goşan goşandy we ylham beriji aýratynlyklary” üçin 2020-nji ýylda Los Anjeles «Emmy Governors» baýragyna mynasyp hasaplandy.
«Emmy» baýraklaryny kesgitlän teleýaýlym akademiýasy: “Bu baýrak, sungat, ylym ýa-da telewideniýe dolandyryşynda adatdan daşary, innowasiýa we öňdengörüjilik gazanan we Los Anjeles sebitine möhüm goşant goşan adama, kompaniýa ýa-da gurama berilýär” — diýip belleýär.
2020-nji ýyldaky “Los Anjeles Emmy” baýraklary 18-nji iýunda gowşurylar.