“Keşplere razy bolanymda, instinktiw hereket edýärin. Duýgurlyk meni hiç haçan aldamaýar. Men gaty impulsly”
Juliýa Roberts, aktrisa.
“Julia Fiona Roberts” – 1967-nji ýylyň 28-nji oktýabrynda ABŞ-nyň Jorjiýa ştatynyň “Smirna” şäherinde dogulýar. Onuň kakasy Walter Greýdi Roberts – aktýor we ýazyjy bolupdyr. Ejesi Betti Lu Bredemas – buthanada kätip we şol bir wagtda hem aktrisa bolupdyr. Juliýa Robertsiň – Erik Roberts atly erkek dogany we Liza atly aýal dogany bolupdyr. 1972-nji ýyldan başlap Juliýa, orta mekdebi okaýar we mekdepde klarnet bilen meşgullanýar eken. Şeýle hem geljekki aktrisa mekdep döwründe gözellik bäsleşiklerine hem yzygiderli gatnaşypdyr. Mekdep döwürlerinde öz doganynyň aktýorçylyk üstünligine buýsanyp, özi hem ýerli höwesjeň çykyşlara gatnaşyp başlaýar. Mekdepden soňra Juliýa, ýaşaýan ştatynyň uniwetsitetine gadam basýar. Soňra bolsa ozüni kino sungatyna bagyş etmek üçin aýal doganynyň ýanyna Nýu-Ýork şäherine göçüp gelýär. Ol ýerde Juliýa “Click” atly moda agentligi bilen şertnama baglanyşýar.
Kino karýerasy
Nýu-Ýork şäherine göçüp gelmegi onuň üçin bähbidine bolýar. Gelenden soň Juliýa yzly-yzlyna filme düşmäge başlaýar. Onuň filmde ilkinji oýnan rollary: ” Kanagat “, “Täsin pizza “. Juliýanyň “Owadan Zenan” (Pretty Woman) atly oýnan filmi özüni dünýä tanadýar. Režissýor Stiwen Soderberg bilen Juliýa, 2004-nji ýylda “Ouşeniň 11 sany dostlary” atly filminde oýnaýar.
Aktrisanyň şahsy durmuşy…
2002-nji ýylyň 4-nji iýulynda Juliýa kinematografçy Daniel Moder bilen durmuş gurýar. 2004-nji ýylyň 28-nji noýabrynda olaryň bir gyz we bir oglan ekizleri bolýar – gyz Hezel Patrişa we ogly Finneas Walter. 2007-nji ýylyň 18-nji iýunynda maşgala ýene-de bir oglanjyk goşulýar. Oglunyň adyna Genri Daniel Moder diýip goýýarlar. Juliýa maşgalasy bilen Nýu-Ýork şäherindäki (Manhettan) öýünde we “Taho” fermasynda ýaşaýar. Şeýle hem Kaliforniýa ştatynyň Malibu şäherinde bir köşk ýaly jaýy bar. 2010-njy ýylda Juliýa Roberts öz söhbetdeşliginde adamsy we çagalary bilen “Aýdym aýtmak, doga etmek we bellemek” üçin hindi ybadathanalaryna yzygiderli zyýarat edýändiklerini belledi.
Juliýa Roberts hakynda gyzykly maglumatlar…
- Juliýa – çepbekeý.
- Roberts – “Om Red Films” kino kompaniýasynyň ýolbaşçysy.
- Aktrisa haýyr-sahawat işleri bilen yzygiderli meşgullanýar.
- 2010-njy ýylyň ýaz paslynda “People” žurnalynyň, 12-nji gezek “Planetanyň iň owadan adamlary” sanawynda ýeňiji bolýar.
- Juliýa Roberts Golliwudyň köp aýlyk alýan, şeýle hem meşhur aktýorlaryň birine öwrülýär.
- Juliýa – “Vogue” žurnalynyň daşlygynda çykan ilkinji aktrisa bolup durýar.
Gazanan üstünlikleri barada…
“Oskar” baýragy: 2001 – Iň gowy zenan roly.
“Iňlis film we telewideniýe sungaty akademiýasynyň” baýragy: 2001 – Iň gowy zenan roly.
“Altyn globus” baýraklary: 1990, 1991, 2001 – Iň gowy zenan roly (drama, kinofilm, komediýa).
“Emmi” telewideniýe baýraklary: 1999, 2014 – Iň gowy myhman we goldaýan aktrisa hökmünde sylaglandy.
ABŞ-nyň kino aktýorlaryň ”Gildi” premiýasy: 2001 – Iň gowy zenan roly.
Aktrisanyň iň gowy filmleri:
Iý, söý, dileg et (EAT, PRAY, LOVE).
Ýakyn(CLOSER).
Mona Lizanyň ýylgyryşy (MONA LISA SMILE).
“Gözel zenan” (Pretty Woman).
“Gaçyp giden gelin” (RUNAWAY BRIDE).
Global pandemiýa şertlerinde Saglyk ulgamyna degişli habarlar dünýäniň ähli ýerlerinde iň köp okalýan habarlaryň biridir!
