Mälim bolşy ýaly, Kataryň paýtagty Doha şäherinde 2-nji oktýabrynda «EKSPO ─ 2023 Doha» halkara sergisi öz işine başlady. «Daşky gurşawyň hatyrasyna ýaşyl tebigat» atly şygar bilen geçirilýän bu halkara sergisinde Türkmenistanyň milli pawilýony hem bar.
9-njy oktýabrda bu halkara serginiň çäklerinde Türkmenistanyň Milli güni bellenildi. Oňa Kataryň munisipalitet we şäher meýilnamalaşdyryş ministri Abdulla bin Abdulaziz bin Turki Al Subai hem-de Türkmenistanyň Ministrler Kabinetiniň Başlygynyň orunbasary Batyr Atdaýew gatnaşdy.
Dabaranyň çäklerinde Türkmenistanyň sungat ussatlarynyň konserti geçirildi. Şeýle hem oňa gatnaşyjylar Türkmenistanyň pawilýony bilen tanyşdylar. Bu ýerde Türkmenistanda ösdürilip ýetişdirilýän agalardyr ösümlikler orun alypdyr.
Esasan hem bu ýerde ekologiýa abadançylygy üpjün etmek, Türkmenistanyň çägindäki tebigy goraghanalary, tebigy we medeni syýahatylyk zolaklaryny gorap saklamak babatda amala aşyrylýan işler barada maglumat berilýär.
«Daşky gurşawyň hatyrasyna ýaşyl tebigat» atly şygar bilen geçirilýän bu halkara sergä dünýäniň 80-den gowrak döwletinden guramalar we kompaniýalar gatnaşýar.
Sergide ýerleşdirilen diwarlyklarda çölleşmäge garşy göreşmek we durnukly oba hojalygyny ösdürmek babatda innowasion çözgütler öz beýanyny tapýar.
Dohadaky Al-Bidda seýilgähinde 170 gektar meýdanda dürli ýurtlaryň diwarlyklary we baglary ýerleşdirildi.