ABŞ-nyň wise-prezidenti Kamala Harris Waşingtondaky öýüni 1,85 million dollara satdy. Bu barada öz çeşmesine daýanyp “Forbes” habar berdi.
Meýdany 1730 inedördül metrlik jaýy Harris we onuň adamsy Dug Emhoff 2017-nji ýylda 1,77 million dollara satyn alypdy. Olar jaýy aprel aýynda 1,9 million dollara satuwa çykardylar. Iýul aýynda jaýyň bahasy 1,85 million dollara çenli aşaklady.
Bu Harrisiň wise-prezidentlik döwründe satan ikinji öýi. Mart aýynda San-Fransiskodaky öýüni 860 müň dollara satypdy. Salgyt beýannamalaryna görä, Harris we Emhoff 2020-nji ýylda Prezident Baýden we onuň aýaly Jillden has köp pul gazandy. Baýden 607 müň dollar, Harris we onuň adamsy takmynan 1,7 million dollar gazandy.