NBA-nyň Hormat sanawynyň wekili, ady rowaýata öwrülen basketbolçy Maýkl Jordan önüp-ösen ýeri bolan Demirgazyk Korolina ştatynda iki sany klinika hassahanasyny açmak üçin 10 million dollar haýyr-sahawat bagyşlady.
Sahawaty kabul eden «Nowant Hilt» topary Jordanyň eýýäm ikinji gezek şeýle sahawaty bagyşlaýandygyny aýtdy. Täzelikde goýberilen serişde çet-gyrak şäherlerdir obalarda ýaşaýan we saglyk ätiýaçlandyrmasy bolmadyk adamlar üçin niýetlenendir.
Ozalky basketbolçynyň özi bolsa bu barada dogduk ýerindäki lukmançylyk hyzmatlarynyň has ýokary derejä çykmagyndan, Maşgala lukmançylygy ulgamynyň mümkinçiliklerini giňeltmekden we «Nowant Hilt» bilen birlikde ýene bir taslamany amala aşyrmakdan çäksiz derejede kanagatlanýandygyny aýtdy.
Jordanyň goýberen serişdeleri bilen guruljak täze hassahanalaryň 2022-nji ýylda işe girizilmegi meýilleşdirilýär.
