DÜNÝÄ

Jewdet Ýylmaz: türkmen gazy Ýewropanyň energetika howpsuzlygy babatda ähmiýetli

Azerbaýjanyň Şuşa şäherinde Türki Döwletleriň Guramasynyň döwlet Baştutanlarynyň resmi däl duşuşygy geçirildi. Azerbaýjanyň Prezidenti Ilham Aliýewiň başlyklyk etmeginde geçirilen duşuşyga Gazagystanyň Prezidenti Kasym-Žomart Tokaýew, Gyrgyzystanyň Prezidenti Sadyr Žaparow, Özbegistanyň Prezidenti Şawkat Mirziýoýew, Türkiýäniň wise-prezidenti Jewdet Ýylmaz, Wengriýanyň Premýer-ministri Wiktor Orban, Türki Döwletleriň Guramasynyň Baş sekretary Kubaynçbek Ömüraliýew gatnaşdy.

Resmi däl duşuşykda gurama agza döwletleriň arasynda ulag-aragatnaşyk, energetika, howanyň üýtgemegine garşy göreşmek ýaly ugurlardaky hyzmatdaşlyk gatnaşyklary ara alynp maslahatlaşyldy.

Türkiýäniň wise-prezidenti Jewdet Ýylmaz öz çykyşynda guramanyň çägindäki energetika hyzmatdaşlygy barada durup geçip, energetika mehanizmleriniň döredilmeginiň ähmiýetini belledi.

Ol Türkmenistanyň tebigy gazynyň Türkiýä we Ýewropa iberilmeginiň hem Türkiýäniň hem-de Ýewropanyň energetika howpsuzlygy babatda uly goşant boljakdygyny belledi.

Şunuň bilen baglylykda, wise-prezident Jewdet Ýylmaz Türki Döwletleriň Guramasynyň çäklerinde energeitka mehanizmleriniň döredilmeginden hoşaldyklaryny belläp, bilelikdäki taslamalary durmuşa geçirmäge goldaw bermäge taýýardyklaryny aýtdy.

Şeýle hem gaýtadan dikeldilýän energiýa çeşmeleri, energiýa tygşytlylygy, energiýa bazarynyň utgaşdyrylmagy ýaly ugurlarda gurama agza döwletler bilen tejribeleriň paýlaşylmagyna taýýardyklaryny belläp geçdi.

 

Ýene-de okaň

Türkmenistan wekiliýeti ABŞ-nyň Montana uniwersitetinde gepleşikler geçirdi

Türkmenistanyň Mejlisiniň Başlygy Russiýanyň Döwlet Dumasynyň Başlygy bilen duşuşdy

Orhan Zeýnalow: Azerbaýjan Türkmenistan bilen energetika hyzmatdaşlygyna taýýar

Türkmenistanyň wekiliýeti Sportda dopinge garşy göreş maslahatyna gatnaşýar

Ata Watan Eserleri

Türkmenistanyň ilçisi BAE-niň Daşary işler ministrliginde ynanç hatlarynyň nusgalaryny gowşurdy

Ata Watan Eserleri

Türkmenistan bilen Botswana diplomatik gatnaşyklary ýola goýdy