«Facebook» kompaniýasynyň baş direktory Mark Sukerberg 2022-nji ýyla çenli «Facebook» we «Instagram» kontentleriniň awtorlaryna gysga wideorolikleri üçin 1 milliard dollar tölemegi meýilleşdirýändigini mälim etdi. Bu serişde «Instagram»-daky «Reels» kontentiniň awtorlaryny höweslendirmäge gönükdiriler.
Bu barada Mark Sukerbergiň özi: «Biz millionlarça wideo ýazyjylary özleri üçin pul gazanmak we gowy ýaşamak üçin amatly platformalar döredýäris. Şol sebäpli 2022-nji ýyla çenli döredijiler «Facebook» we «Instagram»-da döredýän ajaýyp kontentleri üçin höweslendirmek maksady bilen 1 milliard dollardan gowrak pul ýygnaýarys» diýdi. Bu görkezmäniň çäginde kompaniýa ýylyň ahyryna çenli käbir görkezijileri bolan bonusly programmalary işe girizer.