Brend ― önüm öndüriji kompaniýanyň özüne mahsus belgisi we müşderileriň arasynda giňden tanalýan söwda markasy. Şonuň üçin hem käbir brendler kompaniýanyň özünden-de meşhur ýa-da köp bolup bilýär. Hatda käbir kompaniýalarda birnäçe brend bar.
Ýakynda dünýä metbugatynda 2019-njy ýylyň iň meşhur we gymmatbaha brendleriniň sanawy ýerleşdirildi. Şol sanawa görä:
1. Apple
Brendiň bahasy 182,8 milliard dollara barabar.
2. Google
Hasapçylar bu brendiň bahasynyň 132,1 milliard dollara ýetýändigini aýdýarlar.
3. Microsoft
Bill Geýts tarapyndan 1975-nji ýylda esaslandyrylan korporasiýanyň brendiniň bahasy 104,9 milliard dollara barabar.
4. Facebook
Mark Sukerburgyň 2004-nji ýylda esaslandyran brendi häzir 94,8 milliard dollar baha eýe.
5. Amazon
Kompaniýa 1994-nji ýylda Jeff Bezos tarapyndan esaslandyryldy. Onuň bahasy 70,9 milliard dollar.
6. Cоcа cоlа
Bu meşhur içginiň taryhy 1882-nji ýyla çenli (137 ýyl!) uzaýar. Eger onuň brendini bahalamaly bolsa 57,3 milliard dollar gerek bolardy.
7. Samsung
Günorta Koreýada 1938-nji ýylda esaslandyrylan komapniýanyň brendi 47,6 milliard dollar.
8. Disney
Brend 1923-nji ýylda Uolt Disneý we onuň agasy Roý Disneý tarapyndan esaslandyryldy. Brendiň bahasy 47,5 milliard dollara barabar.
9. Toyota
1924-nji ýylda Ýaponiýada esaslandyrylan kompaniýa öz adyny Sakiçi Toýodadan alyp gaýdýar. Onuň bahasy 44,7 milliard dollar.
10. MacDonalds
Kompaniýa 1940-njy ýylda doganlar Mak we Dik McDonaldslar tarapyndan esaslandyryldy. Olar ilkinji restoranyny San-Bernardionoda açypdylar. Häzir bu brendiň bahasy 41,6 milliard dollar.