Amerikaly alymlaryň pikirine görä, Ýewropa ýakasyndaky suwlaryň biriniň düýbünde ýaşaýan gül görnüşi dünýäniň iň gadymy güli bolup biler.
Beýle diýmäge «Monseçia Widali» diýlip atlandyrylýan gülüň müňden gowrak görnüşinde geçirilen barlaglar mümkinçilik berýär. Ösümlik, aslynda, suw otuna meňzeýär, ýöne ol ýeke tohumly miwe-de berýär. Üstesine-de gülleýär.
Şeýlelikde, oňa gül diýmäge doly esas bar. Alymlaryň pikirine görä, şu güllere çalymdaş ösümlikler (belki-de, olaryň özi) häzirki Ispaniýanyň çäklerinde ýerleşen kölleriň ýakasynda mundan 125 million ýyl ozal hem ýetişen bolmaly. Onsoňam, olar ilkinji gülüň edil ilkinji adamlar ýaly rowaýaty häsiýete eýedigini hem aýdýarlar.
Mundan ozal Hytaýda gabat gelnen «Erçifruktus» atly gül dünýädäki ähli gülleriň «nesilbaşysy» hasaplanylýardy. Alymlar «Monçesianyň» hem hytaýly kowumdaşyndan ýaş babatynda uly ýa döwürdeş bolaýmasa, kiçi däldigini ykrar edýärler.
Ýurdumyzyň sungat ussatlary bilen taýýarlanan bir-birinden gyzykly söhbetdeşlikleri bu sahypamyzdan okap bilersiňiz!
