2020-nji ýyldaky Hytaýyň Halkara söwda-hyzmat ýarmarkasyna, COVID-19 pandemiýasyndan soň bu ýurtda adamlaryň gatnaşmagynda geçirilen ilkinji uly göwrümli halkara ykdysady we täjirçilik çäresi boldy.
“Halkara Hytay Radiosy”-nyň habaryna görä, ýarmarka gatnaşmak üçin takmynan 18 müň içerki we daşary ýurt kärhanalary we edaralary hasaba alyndy. 148 ýurtdan we sebitden halkara guramalar, Hytaýdaky ilçihanalar, söwda birleşikleri we edaralar we kärhanalar 2020-nji ýylda geçiriljek Hytaýyň Halkara söwda-hyzmat ýarmarkasyna gatnaşarlar.
Ol ýerde global hyzmat hem-de söwda sammitleri, mahabat forumlary we konferensiýalar guralar. Sammitiň esasy gün tertibi hyzmatlar pudagyndaky täze ösüş ugurlary, sanly söwdanyň ösüş ugurlary, kärhanalar üçin hyzmat söwdasynda amatlylyk we Bütindünýä syýahatçylyk hyzmatdaşlygy we ösüş konferensiýasy hökmünde kesgitlenildi.
Beýleki tarapdan, ýarmarkada dünýäniň iň güýçli 500 kompaniýasy, we beýleki daşary ýurt kompaniýalar we degişli pudaklardan öňdebaryjy kompaniýalar birnäçe täze tehnologiýalaryny we hyzmatlaryny hödürlär. Göz öňünde tutulýan mazmunyň epidemiýa garşy göreşde ylmy we tehnologiki çäreler, maliýe howpsuzlygy we emeli intellekt ýaly dürli ugurlary öz içine alýandygy mälim edildi. Bütindünýä intellektual eýeçilik guramasy, Bütindünýä azyk maksatnamasy, Halkara bank federasiýasy we Bütindünýä syýahatçylyk şäherleri federasiýasy ýaly halkara guramalar intellektual eýeçiligi goramak, azyk üpjünçiligi zynjyry, maliýe we syýahatçylygy dikeltmek boýunça forumlar gurnalar. Hytaýyň import we eksport hyzmatlarynyň umumy mukdary 2019-njy ýylda 5 trillion 415 milliard 300 million ýuana ýetdi. Hytaý bu ugurda dünýäde ikinji ýerde durýar. 2020-nji ýyldaky Hytaý halkara hyzmat söwda ýarmarkasy 9-njy sentýabrda tamamlanar.