Hytaýda eýesi tarapyndan taşlanan “Şiba Inu” tohumy bolan “Deng Deng” atly it auksionda 25 000 dollara (160,000 ýuana) satyldy.Hytaýda, Deng Deng atly “Şiba Inu” tohumly it, 7 ýyl ozal eýesi tarapyndan öý haýwanlaryny taýýarlamak merkezine goýlupdy. Deng Dengiň galan okuw merkezi, geçen hepdelerde itiň eýesini 7 ýyllyk çykdajysyny talap etmek üçin suda berdi. Kazyýet bolsa 8 ýaşly itiň eýesini tapyp bilmänligi sebäpli çykdajylarynyň tölenmegi üçin auksiona çykarylmalydygyna karar berdi.
Kazyýet tarapyndan berlen bildiriş we onuň bilen bilelikde paýlaşylan surat Hytaýyň “Weibo” sosial ulgamynda ýaýrady, ýakymly itiň hekaýasy köp sosial media ulanyjylaryna täsir etdi.
Deng Deng üçin onlaýn auksion 78 dollar baha bilen açylan bolsa-da, 24 sagat dowam etmegi meýilleşdirilýän auksion güýçli gyzyklanma sebäpli 5 sagat uzaldyldy. Takmynan 166,000 tomaşa we 480 teklip alan auksionda ýakymly it açylyş bahasyndan 320 esse gymmat bahada satyn alyndy. Aw iti bolan Deng Deng auksionda 25 000 dollara (160 müň ýuana) satyldy, alyjynyň şahsyýeti entek doly aýan edilmedi.
Beýleki tarapdan, gysga saçly we tilki ýaly ýüzi kiçijik we orta göwrümli bolan aw iti “Şiba Inu” bilen gyzyklanmak milliarder Elon Muskyň şol bir adyň kriptografikasyna ylham beren “Şiba Inu” güjügi”Floki” sebäpli artýar.
Ýaponiýada iň meşhur bolan “Şiba Inu” tohumly it bütin dünýäde uly ünsi özüne çekýär. Owadan gözleri, egri guýrugy we ýumşak sütükleri bilen örän ýakymly görnüşe eýe bolan bu tohum, her bir maşgala üçin amatly däl. Köp öý haýwanlary bolan jaýlara maslahat berilmeýär, sebäbi olar üçin itler we pişikler bilen düşünişmek kyn bolup biler. Mundan başga-da, howlyda wagt geçirmegi halaýarlar. Howlyda oýnaýan wagtlary daş-töwereginiň diňe diwarlar bilen gurşalanlygyna we gaçmak nokatlarynyň barlanýandygyna göz ýetirmeli. “Şiba” maşgalalaryna gaty ýakyndyr we maşgalalaryndan uzak durmagy halamaýandyr.
Howlyda köp wagt geçirse-de, hökman maşgala agzalarynyň bolmagyna garaşýarlar, şonuň üçin ony bütin gün howlyda saklamak hakda pikir etmeli däl.