“Huawei” şereketiniň “Nova 8 SE Vitality Edition” atly telefony güýçli batareýa we 48 megapiksellik esasy sensorly esasy kamera bilen üpjün edilipdir.
Telefonda 2400×1080 piksel durulygynda 6.6″ ekran we üst tarapda 16 megapiksellik kamera goýlupdyr. Telefonyň arka tarapynda bolsa 48 megapiksellik we 2 megapiksellik kameralar blogy dikligine ýerleşdirilipdir. Ekran telefonyň 94% ýerini eýeläpdir hem-de 16.7 million sany reňki tapawutlandyrma häsiýetine eýe.
Akylly telefonyň “ýüregi” 8 GB içki ýat bilen “Kirin 710A” mobil platformasyndan ybarat. Bu telefonyň daşky ýady 128 GB. “Huawei Nova 8 SE Vitality Edition” telefony 40 Wattlyk tiz zarýady goldaýan 4000 mAh batareýa bilen üpjün edilen. Bu telefonda “EMUI 10.1” bilen “Android 10” prosessorlary ýerleşer hem-de 2 dürli reňkde satuwa çykar.
“Huawei” şereketiniň täze telefonynda ýeriň dartyş güýjüni ölçeýän sensor, kompas, duran ýeriňe baglylykda özüni sazlaýan ekran ýagtylandyrma we barmak yzyny okaýjy sistemalar bar. Bu telefon 160.68×73.3×8.4 mm ululykda wev179 gram agyrlykda.
Täze telefonyň satuwa çykjak senesi 22-nji awgust hem-de satuw bahasy 292 dollar.
Maksat TAGANOW,
Magtymguly adyndaky Türkmen döwlet uniwersitetiniň
žurnalistika hünäriniň talyby.