Germaniýanyň DESY tomusky okuw maksatnamasy dalaşgärler üçin resminamalary kabul edip başlady. Bu barada Türkmenistanyň Bilim ministrliginiň web saýtynda habar berilýär.
Habarda bellenişine görä, okuwlar üçin IELTS/TOEFL testleri talap edilmeýär. DESY maksatnamasy boýunça dünýäniň dürli künjeklerinden jemi 100 talyp okuwa kabul edilýär. Maksatnama ähli çykdajylary öz içine alýar. Bulardan başga-da, maksatnama ýaşaýyş çykdajylaryny, her aýda 1200 ýewro talyp haky we Germaniýa we yzyna uçar peteklerini öz içine alýar.
Maksatnama 18-nji iýuldan 7-nji sentýabra çenli dowam edýär.
Arzalary tabşyrmak üçin soňky möhlet: 2023-nji ýylyň 31-nji ýanwary.
Arzalary şu ýere basyp, tabşyryp bilersiňiz. Goşmaça maglumatlar üçin şu ýere basyň!
Maksatnama isleg bildirilýänler ilki bilen ýokaryda berilen salgydan doly maglumatlary ünsli okamaly, emma şonda-da sorag dörese summie-org@desy.de e-poçta iberip bilerler.
Saýtymyzyň https://www.atavatan-turkmenistan.com/category/habarlar/bilim/ sahypasynda halkara we ýerli okuw mekdeplerinde bilim almak bilen baglanşykly habarlary okap bilersiňiz.
Türkiýe 2023: Diplomy ykrar edilýän abraýly ýokary okuw mekdepleri