Angliýanyň futbol boýunça milli çempionatynda norwegiýaly ýaş futbolçy Erling Holand täze rekordyň eýesi boldy. Ol bu çempionatda ilkinji möwsümini doldurýandygyna garamazdan, 29 ýyllyk rekordy täzeledi.
“Mançester Siti” topary çempionatyň 28-nji tapgyryň yza galdyran duşuşygynda “West Hem” toparyny 3:0 hasabynda utdy. Bu duşuşykda 70-nji minutda Erling Holand tapawutlandy.
22 ýaşyndaky norwegiýaly futbolçy çempionatda 35-nji goluny geçirdi. Ol bu üstünlik bilen Endi Koulyň 1993-1994-nji möwsümdäki rekordyny täzeledi. Endi Koul şol möwsümde 34 gol geçiripdi.