Türkmenistanyň Gahrymany, Türkmenistanyň halk ýazyjysy, Türkmenistanyň Magtymguly adyndaky Halkara baýragynyň eýesi halypa şahyrymyz Amangözel Şagulyýewanyň 80 ýaşyňyzyň dolmagy bilen tüýs ýürekden gutlaýarys.
Halypa şahyrymyzyň soňky döwürde ösüşiniň belent sepgitlerine ýeten milli edebiýatymyzy has-da ösdürmäge goşan mynasyp goşandy örän uludyr. Türkmenistanyň Gahrymany Amangözel Şagulyýewa köp ýyllaryň dowamynda döreden eserleri bilen halk köpçüligine, galyberse-de, şygryýet äleminiň muşdaklarynyň uly söýgüsini gazandy we döreden goşgular kitaplary okyjylaryň arasynda giň seslenme döretdi.
“Atavatan Türkmenistan” halkara žurnalynyň döredijilik toparynyň adyndan žurnalymyzyň birnäçe sanynda özüniň ajaýyp goşgulary bilen çykyş eden Türkmenistanyň Gahrymany Amangözel Şagulyýewany ýene-de bir gezek doglan güni bilen tüýs ýürekden gutlaýarys. Halypa şahyrymyza mundan beýläk-de edebiýat äleminde uly üstünlikler arzuw edip, onuň janynyň sag, maşgalasynyň abadan bolmagyny arzuw edýäris.
“Atavatan Türkmenistan” halkara žurnalynyň
www.atavatan-turkmenistan.com saýtynyň döredijilik topary