21-nji iýulda, ýekşenbe güni Singapurda Halkara Çempionlar kubogynyň çäginde geçirilen «Ýuwentus» ― «Tottenhem» duşuşygynda Turin şäheriniň ätiýaçdaky oýunçylarynyň oturýan ýerine gelen gazagystanly oglanjygy, ol tä futbolçylaryň ýanyna gelýänçä, hiç kim aňşyrmady. «Ony diňe Kriştianu Ronalunyň ýanyna gelende gördüler» diýip, AZR Organization Twitterdäki resmi sahypasynda ýazýar.
Oglanjyk oýun wagtynda ätiýaçlykda oturan dünýä ýyldyzynyň ýanyna ýüwrüp bardy we oňa bile surata düşmegi teklip etdi. Gorag işgärlerini aradan aýryp, olardan arkaýyn bolmagyny haýyş eden «Ýuwentusyň» portugaliýaly ýyldyzy başlyklaýyn ätiýaçdaky ähli oýunçylar «kiçijik batyr» bilen surata düşdüiler.
2:3 hasabynda «Tottenhemiň» peýdasyna tamamlanan duşuşykda «Ýuwentus» oýundan keýpsiz aýrylan hem bolsa, kiçijik janköýer baradaky ýakymly ýatlama oýunçylaryň aňynda uzak wagt galsa gerek. Ýöne has uly ýatlama gazagystanly oglanjykda galar. Çünki indi onda Ronaldunyň hut özünden alnan futbol lybasy bar.