Milli Liderimiz Gurbanguly Berdimuhamedowyň adyna mähriban kyblasy Mälikguly Berdimuhamedowyň aradan çykmagy zerarly gynanç hatlary gelýär. Şeýle gynanç hat Birleşen Milletler Guramasynyň Baş sekretary Antoniu Guterrişden gelip gowuşdy.
Bu hatda hususan-da şeýle diýilýär.
– Siziň kakaňyzyň aradan çykandygy baradaky habary çuňňur gynanç duýgusy bilen kabul etdim. Size we Siziň maşgalaňyza hem-de ýakynlaryňyza öwezini dolup bolmajak bu ýitgi zerarly tüýs ýürekden duýgudaşlygymy bildirýärin.
Siziň Alyhezretiňiz, Size çuňňur hormat goýýandygym we hemmeler üçin iň oňat geljegi gurmagyň bähbidine Birleşen Milletler Guramasynyň Türkmenistan bilen hyzmatdaşlyga hemişe ygrarlydygy baradaky ynandyrmalarymy kabul ediň.