Režissýor Ridli Skottyň “Gladiator 2” filmi halkara prokatynyň ilkinji hepdesinde rekord goýdy. Kinonyň halkara kinoteatrlarda görkezilip başlanan ilkinji hepdesinde 87 million dollar gazandy. Bu “Paramount Pictures” kinostudiýasynyň hem-de režissýoryň iň gowy üstünligi hasaplanýar.
Çeper film 63 halkara bazarynda görkezildi. Beýik Britaniýada bu film 11.4 million dollar, Fransiýada 10.3 million dollar, Ispaniýada 5.6 million dollar, Awstraliýada 5 million dollar, şeýle hem “IMAX” formatynda 7 million dollar gazandy.
“Gladiator” filminiň dowamy bolan bu film üçin 250 million dollar sarp edildi. Kinonyň ýene-de azyndan 600 million dollar gazanmagyna garaşylýar. Eger häzirki depgininde dowam eden halatynda bu gilm ýylyň iň köp girdeji gazanan filmleriniň birine öwrüler.
Tomaşaçylarda film boýunça oňyn täsirler galdyrdy. Tankytçylar 2000-nji ýylda görkezilen “Gladiator” filminiň dowamy bolandygy üçin bu gezekki kinonyň has köp meşhurlyk gazanjagyna umyt baglamandy. Ýöne filmleriň sýujetiň birmeňzeşdigine garamazdan, “Gladiator 2” filmi tomaşaçylaryň göwnünden turdy.