Germaniýa koronawirus ýokanjy sebäpli kyn günleri başdan geçirýän Hindistanda ykjam kislorod öndürýän desga gurdy. Desgada bir günde 400 müň litr kislorod öndüriler.
Koronawirus ýokanjyndna iň köp täsirlenen ýurtlaryň biri bolan Hindistanda çylşyrymly ýagdaýlar dowam edýär. Lukmançylyk serişdelerine, hususan-da kislorod ýetmezçiligi zerarly kynçylyk çekýän Hindistana beýleki ýurtlardan ynsanperwer kömekleri ugradylýar.
Şonuň netijesinde, Germaniýa Deli şäherindäki hassalaryň bejergisi üçin lukmançylyk kislorod önümçiligi desgasyny gurdy. Häzirki wagtda gündelik 400 müň litr kislorod öndürilýän bu desganyň önümçilik kuwwatynyň artdyrylmagy meýilleşdirilýär.
Bu ýerde öndürilýän lukmançylyk kislorody meýdan hassahanasyndaky we beýleki hassahanalardaky kisloroda mätäç näsaglara iberilýär.