Angliýanyň futbol çempionatynda geçen ýyl çempion bolan “Liwerpul” topary bu möwsümde ilkibaşda gowy oýun görkezýän hem bolsa, soňlugy bilen yzly-yzyna ýeňlip, çempionlykdan barha daşlaşýar. “Liwerpulyň” bu ýeňlişleri Gwardiolanyň “Mançester Siti” toparyny çempionlyga barha golaýlaşdyrýar.
Angliýanyň çempionatynyň 29-njy tapgyrynda merkezi duşuşyk geçirildi. Onda “Liwerpul” bilen “Çelsi” topary duşuşdy. Tomas Tuheliň “Çelsi” topary birneme janlanyp ugrady we “Liwerpuly” ýeňmegi başardy. Duşuşygyň ýeke-täk goluny Maýson Maount öz adyna ýazdyrdy.
Şeýlelikde “Liwerpul” topary öz meýdançasynda, ýagny meşhur “Enfild” stadionynda 5-nji gezek ýeňildi. Mundan ozal, “Bernli” toparyndan 1:0, “Braýton” toparyndan 1:0, “Mançester Siti” toparyndan 4:1 hem-de “Ewerton” toparyndan 2:0 hasabynda ýeňlipdi. bu hem toparyň tarahynda ilkinji gezek öz meýdançasynda yzly-yzyna 5 oýny ýeňilmegi bilen hasaba alyndy. Bu ugurda ýurduň ýokary ligasynda şeýle netije gazanan ilkinji çempion topar boldy.
Topar öz meýdançasynda iň soňky gezek geçen ýylyň 16-njy dekabrynda “Tottenhem” toparyny 2:1 hasabynda utupdy. “Liwerpul” indiki duşuşygyny 7-nji martda ýene-de öz meýdançasynda “Fulhem” topary bilen duşuşar.
Topar şowsuz oýunlarynyň hasabyna Angliýanyň çempionatynda 7-nji orna çenli pese gaçdy.