TEHNOLOGIÝA

Gazagystanda emeli aň boýunça ministrlik dörediler

Gazagystan emeli aň mümkinçilikleri halk hojalygyna giňden ornaşdyrmak maksady bilen toplumlaýyn işleri durmuşa geçirmegi maksat edinýär. Şunuň bilen baglylykda, ýurtda emeli aň boýunça ministrlik dörediler.

Bu barada Gazagystanyň Prezidenti Kasym-Žomart Tokaýew milli parlamentiň her iki palatasynyň bilelikdäki mejlisinde Gazagystanyň halkyna ýüzlenmesinde mälim etdi.

— Täze ministrligi Premýer-ministriň orunbasary derejesindäki hünärmen ýolbaşçy etmeli, — diýip, Gazak Lideri belledi.

Onuň bellemegine görä, ykdysadyýetiň ähli pudaklaryny döwrebaplaşdyrmak üçin Hökümetiň emeli aňy giňden ornaşdyrmagy zerurdyr.

— Uly göwrümli sanlaşdyrmaga we emeli aň tehnologiýalarynyň işjeň ornaşdyrylmagyna esaslanyp, biz ykdysadyýeti döwrebaplaşdyrmaly. Ilkinji ädim hökmünde «Sanly kodeksi» çalt kabul etmek gerek, — diýip, Kasym-Žomart Tokaýew belledi.

Gazagystanyň Prezidenti geljek 3 ýylda ýurdy sanly döwlete öwürmek üçin ähli zerur işleriň geçirilmegi babatda degişli tabşyryklar berdi.

 

Ýene-de okaň

Gazagystanda ilkinji emeli aň uniwersiteti döredilip biler

“Nvidia” bazar bahasy $4,5 trilliona ýeten ilkinji kompaniýa

NASA Aýda oba gurmagy meýilleşdirýär

2025-nji ýyl: dünýäniň iň güýçli 10 robot taýýarlaýjy topary

Gazagystan emeli aň ministrini belledi

Emeli aň üçin 100 milliardlyk şertnama