Gazagystanyň milli ykdysadyýet ministri Alibek Kuantyrow ýurduň 2023-2027-nji ýyllar üçin durmuş-ykdysady ösüşine degişli çaklamalar barada habar berdi. Bu barada Gazagystanyň milli habarlar agentligi habar berýär.
Halkara maliýe guramalarynyň çaklamalaryna görä, 2022-nji ýylda nebitiň barreliniň bahasy 104.2 dollara deň bolar. 2023-nji ýylda dünýä ykdysadyýetiniň ösüş depgini 3 göterime barabar bolar.
Ministriň bellemegine görä, Gazagystanyň jemi içerki önüminiň ösüş depgini 2023-nji ýylda 4 göterim, 2027-nji ýylda 4,2 göterime deň bolar. 2023-nji ýylda nebit önümçiligi 92.6 million tonna, 2027-nji ýylda bolsa 99.9 million tonna barabar bolar.
Milli bankyň çaklamalaryna görä, eksport 80.9 milliard dollardan 84.6 milliard dollara, import bolsa 45.7 milliard dollardan 53,5 milliard dollara deň bolar.