Gallaly ýurt — gurply döwlet

Hor­mat­ly Pre­zi­den­ti­miz Ser­dar Berdimuhamedowyň pa­ra­sat­ly baş­tu­tan­ly­gyn­da Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de mil­li yk­dy­sa­dy­ýe­ti­mi­ziň äh­li ugur­la­ry bi­len bir ha­tar­da, oba ho­ja­lyk pu­da­gyn­da hem uly ösüş­le­r gazanylýar.

Hormatly Prezidentimiziň döredip berýän giň mümkinçiliklerinden peýdalanyp, gije-gündiz zähmet çekýän gallaçy kärendeçileri şu möwsümde şertnamalaýyn borçnamadan daşary bugdaý tabşyrýarlar. Gallaçylar bilen hasaplaşyk işleriniň dessine geçirilmegi, hasyl ussatlarynyň zähmet öndürijiligini has-da artdyrýar.

Bagtyýar türkmen halkymyza, şol sanda oba hojalygynda zähmet çekýän daýhanlara işlemäge, toprakdan bol hasyl öndürmäge döwlet tarapyndan ähli şertler we mümkinçilikler döredilýär. Ýurdumyzda öndürilýän dänäniň, pagtanyň döwlet tarapyndan satyn alyş nyrhlarynyň ýokarlandyrylmagy we oba hojalyk pudagynyň dünýäniň kämil tehnikalary bilen yzygiderli üpjün edilip durulmagy, daýhanlarymyza toprakdan bol hasyl öndürmäge giň mümkinçilikler açdy.

Hä­zir­ki gün­ler­de ýo­ka­ry dep­gin­e eýe bolýan gal­la ora­gy ýur­du­my­zyň ähli we­la­ýa­tlaryn­da hem döw­rüň ösen ta­lap­la­ry­na la­ýyk al­nyp ba­ryl­ýar. Ekin do­la­ny­şy­gy­na gi­ri­zi­len meý­dan­la­ryn­da ir er­tir­den giç ag­şa­ma çen­li gal­la­çy­la­ryň joş­gun­ly zäh­me­ti möwç ur­ýar. Ol ýer­ler­dä­ki al­tyn­sow baş­ly bug­daý­ly meýdanlary syn­la­nyň­da, göw­nüň gö­te­ril­ýär. We­la­ýat­larda bu mö­hüm möw­sü­me gat­naş­ýan kuw­wat­ly oba ho­ja­lyk teh­ni­ka­la­ry­nyň her bi­rin­den ne­ti­je­li peý­da­lanyl­ýar.

Bereketli hasyly ýetişdirmegiň aňyrsynda hormatly Prezidentimiziň oba hojalyk pudagyny ösdürmek, daýhana hemmetaraplaýyn kömek-goldaw bermek barada edýän ýadawsyz aladalary, şonuň ýaly-da topraga irginsiz hyzmat eden adamlaryň zähmeti ýatyr. Bu üstünlikler sazlaşykly işleriň netijesinde gazanylýar.

Meý­dan­lar­dan ýyg­na­lyp al­nan bug­da­ýyň ka­bul ediş bö­lüm­le­ri­ne da­şal­ma­gy­ny ýük aw­tou­lag­la­ry üp­jün eder. Gu­ra­dy­lan­dan we des­lap­ky aras­sa­la­nan­dan soň, dä­nä­niň bir bö­le­gi to­hum­lyk üçin goý­lar, ga­lan bug­daý bol­sa un üçin gaý­ta­dan iş­le­ni­ler, şeý­le-de ele­wa­tor­lar­da sak­la­mak üçin goý­lar. “Türk­mens­tan­dart­la­ry” baş döw­let gul­lu­gy­nyň bar­lag­ha­na­la­ry hem do­ly taý­ýar­lyk ýag­da­ýyn­da­dyr. Ola­ryň hü­när­men­le­ri iň tä­ze en­jam­la­ryň kö­me­gi bi­len meý­dan­lar­dan ge­lip go­wuş­ýan dä­nä­niň hi­li­ni des­sin kes­git­leýärler. 2022-nji ýy­lyň gal­la ora­gyn­da ABŞ-nyň “John Dee­re” hem-de Ger­ma­ni­ýa­nyň “CLA­AS” kom­pa­ni­ýa­la­ry­nyň kom­baýn­la­ry ula­ny­lýar.  Şu ýyl gal­la meý­dan­la­ryn­da bug­da­ýyň “Be­re­ket­li”, “Go­şant”, “Ha­syl­ly”, “Säh­ra­ýy”, “Ro­waç”, “Ýo­lö­ten-3”, “Ýo­lö­ten-1”, “Ju­wan”, “Wa­tan”, “Gy­zyl­şag­la­wuk-25”, “Mi­ras”, “Ýo­kum­ly” ýa­ly, ýo­ka­ry ha­syl­ly gör­nüş­le­ri ekil­di.

Şu ýyl ýur­du­my­zyň gal­la­çy­la­ry güýz­lük bug­daý üçin 690 müň gek­tar meý­dan­dan 1 mil­lion 400 müň ton­na dä­ne ýyg­nar­lar. Ahal we­la­ýa­tyn­da 400 müň, Ma­ry we­la­ýa­tyn­da 345 müň, Le­bap we­la­ýa­tyn­da 310 müň, Da­şo­guz we­la­ýa­tyn­da 265 müň, Bal­kan we­la­ýa­tyn­da 80 müň ton­na bug­daý ha­sy­ly ýyg­na­lar.

Agabek Hudaýýarow,
S.A.Nyýazow adyndaky TOHU-nyñ talyby.

Medeni mirasymyz – ebedi mirasymyz