Gadymy Olimpiýada XXXII Olimpiýa oýunlarynyň alawy ýakylýar. 19-njy martda Olimpiýa oýunlarynyň alawy Gresiýanyň paýtagty Afiny şäherindäki “Panatinaikos” stadionynda Ýaponiýanyň guramaçylyk komitetiniň wekiliýetine gowşurylar.
Taryhda ilkinji gezek zenan türgen Olimpiýa oýunlarynyň alawynyň estafetasyna başlady. Ony Olimpiýa oýunlarynyň çempiony Anna Korakaki amala aşyrdy.
Adatça dünýäniň iň abraýly sport ýaryşynyň alawynyň ýakylmagyna bagyşlanan dabara uly gyzyklanma döredýär, ýöne şu gezek dabara koronawirus sebäpli tomaşaçysyz geçirildi. Dabara diňe habarçylar we käbir myhmanlar gatnaşdy. Olaryň hatarynda Gresiýanyň Prezidenti we Halkara Olimpiýa komitetiniň prezidenti Tomas Bah hem bar.
Tomusky Olimpiýa oýunlary 24-nji iýul – 9-njy awgust aralygynda Ýaponiýanyň paýtagty Tokio şäherinde geçirilmegi meýilleşdirilýär.