Eýranyň iň uly awtoulag öndürijisi “Iran Khodro” kompaniýasy öz öndürýän ilkinji elektrik awtobusyny satuwa çykardy. Elektrik awtobusy kompaniýa tarapyndan soňky 16 aýda öndürilen ýedi önümiň biridir.
“IRNA” habarlar gullugynyň habar bermegine görä, elektrik awtobusynyň önümçilik kuwwaty günde dört birlik we ýylda müň töweregi awtobus bolar.
Elektrik awtobusynyň tanyşdyrylyş dabarasyna “Iran Khodro” kompaniýasynyň baş direktory we Eýranyň Magdançylyk we gaýtadan işleýän senagaty ösdürmek we döwrebaplaşdyrmak guramasynyň (IMIDRO) işgärleri gatnaşdy.
Kompaniýa her ýyl 1 milliondan gowrak ulag öndürýär: awtoulaglar (550 müň), awtobuslar, ýük awtoulaglary, pikaplar. Bu görkezijä görä, “Iran Khodro” kompaniýasyny dünýäde 13-nji orna çykarýar.
Eýrandan başga-da, “Iran Khodro” kompaniýasynyň önümçilik desgalary Azerbaýjanda, Müsürde, Siriýada, Wenesuelada we Senegalda ýerleşýär.
16-nji mart ýyldyzlar näme diýýär? Gündelik Täleýnama