Şu günler Türkmenistanyň paýtagty Aşgabat şäherinde Eýran Yslam Respublikasynyň Medeniýet günleri geçirilýär.
Bu dabaralara gatnaşmak üçin paýtagtymyza gelen Eýran Yslam Respublikasynyň medeniýet ministri Mohammad Mehsi Esmaeili öz ýurdunyň hem öz gezeginde Türkmenistanyň Medeniýet günlerini geçirmäge taýýardygyny belledi.
“IRNA” habarlar gullugynyň habar bermegine görä, bu barada Eýranyň ministri Aşgabat şäherinde geçirilýän Eýranyň häzirki zaman suratkeşleriniň şekillendiriş sungatyna degişli eserleri, neşir önümleri, ýurduň milli lybaslary we aşhanasyna bagyşlanyp geçirilen serginiň açylyş dabarasynda belläp geçdi.
Ministriň aýtmagyna görä, medeniýet Eýran bilen Türkmenistanyň halklaryny birleşdirýän esasy ugur bolup durýandygyny mälim etdi.
Eýranyň ministri öz ýurdunyň sungat ussatlary bilen Türkmenistandaky Medeniýet günleriniň çäklerinde milli medeniýetlerini açyp görkezýändiklerini belläp, sungat ussatlaryny iki ýurduň arasyndaky dostlugyň ilçileri bolup durýandygyny aýtdy.