Angliýanyň “Premýer Liga” çempionatynda çykyş eden “Ewerton” toparyny ABŞ-nyň “777 Partners” maýa goýum gaznasynyň satyn aljakdygy habar berildi. Amerikaly işewürler iňlis toparynyň paýnamalarynyň 94 göterimini stayn alar.
Iňlis toparynyň eýran asylly Angliýanyň işewüri Farhad Moşiri bilen amerikaly işewürler toparynyň arasynda gepleşikleriň oňyn netijeler bilen tamamlanandygyny bellenildi.
Paýnamalaryň satylmagyna degişli işler Angliýanyň “Premýer Liga” çempionaty hem-de Angliýanyň Futbol federasiýasy tassyklanandan soňra ýylyň ahyryna çenli geleşigiň baglaşylmagy maksat edinilýär.
Bu geleşigiň başa barmagy bilen Angliýanyň futbol çempionatynda orun alan 20 toparyň ýarysy ABŞ-nyň kompaniýalaryna degişli bolar.
“777 Partners” maýa goýum gaznasynyň Italiýanyň “Ženoa”, Germaniýanyň “Gerta Berlin” bilen bir hatarda “Wasko de Gama”, “Standard Liege”, “Red Star” we “Melburn Wiktory” ýaly toparlaryň eýesidir.
“Ewerton” toparynyň paýdarlarynyň hatarynda 2016-njy ýylda goşulan Moşiri 2018-nji ýylda toparyň paýnamalarynyň 94 göterimini satyn aldy.