Türkiýäniň “Fenerbahçe” toparynyň ýarymgoragçysy Emre Belezoglu futbol karýerasyny tamamlandygyny habar berdi. Türk toparynyň ýarymgoragçysy 39 ýaşynda.
– Emre sag bolsun aýdýarys. Ol “Fenerbahçe” janköýerleriniň hemmesi üçin beýik futbolçy. Beýik kapitan, hemme zat üçin sag bol! -diýip “Fenerbahçe” topary tarapyndan berlen beýanatda bellenilip geçilýär.
Türkiýäniň milli ýygyndysynyň hem futbolçysy bolan Emre Belezoglu “Inter”, “Nýukasl” we “Atletiko” toparlarynda oýnady. “Fenerbahçe” we “Galatasaraý” bilen alty gezek Türkiýe çempionatynda ýeňiji boldy. 2000-nji ýylda iň soňky topary bilen UEFA kubogyny gazandy.
2002-nji ýyldaky dünýä çempionatynda Belezoglu türk milli ýygyndysy bilen üçünji orny eýeledi.