Gonkongyň Saglyk we tehnologiýalar uniwersitetiniň inženerleri bionik gözi işläp düzdüler. Häzirki wagtda ol ylmy synaglardan geçirilýär. Eýýäm käbir synaglaryň netijesi emeli gözüň adaty gözden has ýiti görýändigini görkezdi.
Emeli göz üç ölçegli gurluşyň miwesidir. Işläp taýýarlan toparyň aýtmagyna görä, oňa damar hökmünde ýerleşdirilen simler sagdyn işleýşini üpjün edýär. Ýörite kompýuterler arkaly gözüň işleýşine gözegçilik edilýär.
Aýdylyşyna görä, emeli göz bilen garaňkylykda hem zatlary kynçylyksyz saýgaryp bolar. Muňa onuň düzümindäki infragyzyl şöhleleri goýberiji ulgam mümkinçilik berer.
Emeli gözüň her inedördül santimetrinde 460 million nano ölçegli sensor ýerleşdirilendir. Adamyň öz gözünde bolsa bu netije 10 milliona deňdir. Alymlar bionik gözi geljekde adamyň görüşini ýitileşdirmek üçin ulanmakçy.