Beýik Britaniýanyň «Expanscape» kompaniýasy dünýädäki ilkinji ýedi ekranly noutbugy öndürdi. «Aurora 7» diýlip atlandyrylýan kompýuter has professional işler üçin niýetlenendir. BU täsin kompýuter barada «Somag News» neşiri habar berýär.
Noutbugyň esasy ekrana goşmaça displeýleriň bäşisi birikdirilipdir. Onuň ekranlarynyň ählisini hem ýekeje klawiaturada dolandyryp bolýar. Kompýuteriň ekranlarynyň dördüsi 17,3 dýumlyk we 4K hilinde, galan üçüsi bolsa 7 dýumlyk we «Full HD» hilindedir.
Täze kompýuteriň tehniki aýratynlyklary barada has içgin maglumatlar berilmeýär. Şol sanda onuň bahasy hem heniz nämälim. Ýöne onuň 4 ýaderli «Intel i7» prosessory bilen işleýändigini hem-de ýadynyň 64 gigabaýta deňdigini anyklamak başartdy.
Bu täsin kompýuteri kämilleşdirmek işleri dowam edýär. Ýakyn günlerde onuň satuw üçin niýetlenen taýýar görnüşi köpçülige hödürleniler. Kompaniýanyň bilermenleriniň aýtmagyna görä, bu kompýuterler kiberhowpsuzlyk we şuňa meňzeş ugurlarda işleýänler üçin zerurdyr.