Her ýyl adatça oktýabr aýynda ylym-bilim hem-de döredijilik babatda gazanylan üstünlikler üçin berilýän Nobel baýragynyň ýeňijileri yglan etmek hepdeligi dowam edýär.
2023-nji ýylda edebiýat boýunça Nobel baýragyna norwegiýaly ýazyjy Ýun Fosse mynasyp görüldi. Ol pýesa we proza žanrlaryndaky täzeçilikleri üçin şeýle abraýly baýraga mynasyp boldy.
Fosseniň edebiýat durmuşy 1983-nji ýylda başlandy. Şol ýyl onuň “Gyzyl, gara” atly romany çap edildi. 1994-nji ýylda onuň “We biz hiç haçan aýrylmarys” atly ilkinji pýesasy neşir edildi. Ýazyjy 1995-nji ýylda “Ady” atly pýesasy üçin Ibsen baýragyna mynasyp bolupdy. Fosse şol bir wagtda çagalar üçin hem birnäçe goşgylar ýygyndysyny çap etdi.
2022-nji ýylda edebiýat boýunça Nobel baýragyna fransiýaly ýazyjy Anni Erno mynasyp bolupdy.
Şu hepdäniň dowamynda lukmançylyk, fizika we himiýa ugurlary boýunça Nobel baýragynyň ýeňijileri yglan edildi.
6-njy oktýabrda parahatçylyk boýunça Nobel baýragynyň ýeňijisi mälim ediler.
Nobel baýragyna mynasyp bolan şahsyýetlere baýraklary 10-njy dekabrda Stokgolm şäherinde gowşurylar.