“Canalys” kompaniýasynyň bilermenleri 2020-nji ýylyň üçünji çärýeginde iň köp satylan smartfonlaryň sanawyny taýýarlady. Sanawa görä, dünýä belli “Apple” kompaniýasynyň “iPhone 11” telefony iň köp satylan smartfon boldy. Bu telefonyň satuwy 16 milliona deň boldy.
Sanawda ikinji orny ýene-de “Apple” kompaniýasynyň “iPhone SE 2020” telefony eýeläp, degişli hasabat döwründe onuň 10 milliony satyldy. Üçünji ýeri “Samsung Galaxy A21s” eýeledi.
Kompaniýanyň berýän maglumatyna görä, ykjam telefonlar bazarynda öňdeligi Günorta Koreýanyň “Samsung” kompaniýasy eýeleýär. 2020-nji ýylyň üçünji çärýeginde “Samsung” 80,2 million smartfon satyp, 23 göterim bazar paýyna eýe boldy. Ikinji ýeri 14,9 göterimlik paýy hem-de 51,7 million smartfon satuwy bilen Hytaýyň “Huawei” kompaniýasy eýeledi. Umumy dünýä bazarynda telefon söwdasynda üçünji orny 13,5 göterimlik paýy hem-de 47,1 million smartfon söwdasy bilen “Xiaomi” eýeledi.
Iň köp satylýan smartfonlar 2020:
“iPhone 11”
“iPhone SE 2020”
“Galaxy A21s”
“Galaxy A11”
“Galaxy A51”
“Redmi Note 9 / Redmi 10X 4G”
“Redmi 9”
“Galaxy A31”
“Redmi 9A”
“Galaxy A01”
Saýtymyzyň döredijilik topary tarapyndan geçirilip gelinýän bäsleşikler boýunça degişli makalalary we habarlary “Ata Watan Eserleri” sahypamyzdan okap bilersiňiz. Bäsleşiklere gatnaşan eserleriň ählisi saýtymyzyň bu sahypasynda ýerleşdirildi.
