Italiýanyň «Octo Finissimo Ultra» diýlip atlandyrylýan zergärçilik kompaniýasy dünýädäki iň inçe mehaniki sagady öndürdi. 1,8 mm galyňlygy bilen tapawutlanýan sagadyň häzirlikçe 10 sany nusgasy öndürildi. Mehaniki dünýä bilen sanly dünýäniň arasynda köpri gurjak sagada eýe bolmak isleýänler ony 440 müň dollara satyn alyp bilerler.
Kompaniýanyň döredilmeginiň 10 ýyllygy mynasybetli çykarylan sagady öndürmek üçin üç ýyl sarp edildi. Onuň dünýäniň iň inçe sagady rekordynyň öňki eýesi «Piaget» kompaniýasynyň öndüren «Altiplano Ultimate Concept» sagadyndan hem 0,2 mm inçedigi aýdylýar.
Mundan başga-da, 1,5 mm galyňlykdaky titanium gaýyşly monohrom görnüşe eýe bolan sagadyň sekizburç aýlawy bar. Sagadyň arka tarapynda açyk mehanizm, şeýle hem ýokarky çep tarapynda uly QR kody bar.