Dünýäniň iň gurply gyzjagazy kimkä? Habaryňyz barmy? Munuň jogabyny uzak ýerden däl-de, karollyk maşgalasyndan gözlemeli. Asyl, Beýik Britaniýanyň şazadasy Uilýamyň we gersoginýa Keýt Middltonyň gyzy melike Şarlotta dünýäniň iň baý gyzjagazy eken.
Ol degişli sanawda aýdymçy Beýonseniň gyzy Blu Aýwi Karteri we Kim Kardaşýanyň gyzlary Nort we Çokagony yzda galdyrdy.
6 ýaşly gyzjagazyň miras paýy 5 milliard amerika dollaryna deň. Şarlottanyň erkek doganlary şazada Jorj bilen kiçi Lui hem dünýäniň iň baý çagalarynyň hatarynda. Häzir Jorja degişli miras 3, Luiniň paýy bolsa 1 milliard dollara ýetýär.
Eýsem, näme üçin Şarlotta erkek doganlaryna görä has baý? Karollyk maşgalasy onuň köpçüligiň öňündäki her bir çykyşynyň uly gyzyklanma eýe bolýandygy we geýen lybaslarynyň dessine moda dünýäsine aralaşýandygyny aýdýarlar. Diňe şu iki ýagdaý hem onuň baýlygynyň artmagyna sebäp bolýar.