Dünýä belli işewür Ilon Maskyň emeli intellekt kompaniýasy “xAI” täze “Grok 3” emeli aň modelini tanyşdyrdy. Tehnologiýada täze döwri alamatlandyrýan bu model has ösen aýratynlyklary bilen ünsi özüne çekýär.
Öňki wersiýalaryna garanyňda has güýçli emeli intellekt infrastrukturasyna eýe bolan “Grok 3” ulgamy has akylly we has täsirli ulanyjy tejribesini hödürlemegi wada berýär.
Ilon Mask hem-de onuň “xAI” emeli aň kompaniýasynyň 3 sany inženeri bilelikde täze emeli intellekt ulgamyny tanyşdyrdy.
Emeli intellekt ugrundaky bäsdeşlik güýçlenýän döwürde hödürlenen “Grok 3” ulgamy sosial media programmasy “X”-da tölegli agzalygy bolan “Premium +” abonentlerine elýeterli boldy.
Maksyň “Grok 3” emli aň ulgamynyň, “OpenAI” kompaniýasynyň “GPT-4o”, “Alphabet” kompaniýasynyň “Google Gemini”, Hytaýyň “DeepSeek” kompaniýasynyň “V3” emeli aň ulgamlaryndan öňe saýlanmagyna garaşylýar.
Täze model matematika, ylym we kodlaşdyryş görkezijileri boýunça has köp tapawutlylyklara eýedir.