Ýer şarynyň ilatynyň sany 8 milliarda ýetdi. Bu barada BMG-niň metbugat gullugy habar berýär.
– Bu adamzat taryhyndaky taryhy pursatdyr – diýlip, metbugat beýanatynda bellenilýär.
BMG-niň maglumatyna görä, Ýer şarynyň ilatynyň sanynyň 1 milliard köpelmegi üçin 12 ýyl gerek boldy. Dünýäniň ilatynyň 9 milliardlyk görkezijä bolsa, 2037-nji ýylda ýetmegine garaşylýar.
BMG-niň Ilat gaznasynyň (UNFPA) ýaýradan maglumatyna görä, dünýäniň ilatynyň artmagy dowam eder. 10,4 milliardlyk görkezijä 2080-nji ýylda ýetiriler. Planetanyň ilatynyň üçden iki bölegi tebigy köpelişiň az bolan sebitlerinde ýaşaýar. Dünýäniň ilatynyň iň köp artýan bölegi esasan hem Sahara çölüniň günorta bölegidir.
BMG-niň Ilat gaznasy dünýäniň ilatynyň artmagy bilen durnukly ösüş maksatlara ýetmek üçin has köp tagala edilmeginiň zerur bolup durýandygyny belleýär.
Dünýäniň ilaty 2011-nji ýylda 7 milliarda ýetipdi. Berlen maglumatlara görä, 2030-njy ýylda dünýä ilaty 8,5 milliarda, 2050-nji ýylda 9,7 milliarda, 2100-nji ýylda bolsa 10,4 milliarda ýeter.