Russiýanyň “TASS” habarlar gullugynyň baş direktory Andreý Kondraşow Belarusyň paýtagty Minsk şäherinde geçirilen XXXII halkara kitap sergi-ýarmarkasyna gatnaşyp, dünýäde iň köp kitap okaýan ýurtlar barada habarçylara gürrüň berdi.
– Dünýä reýtinginde iň köp kitap okaýan döwletleriň hatarynda Hindistan öňde barýar. Bu ýurtda adamlar hepdede 10 sagatdan gowrak wagtyny kitap okamaga sarp edýär. Şeýle hem ilkinji üçlükde Tailand we Hytaý ýaly döwletler bar. Russiýa bu reýtingde 7-nji orunda durýar. Garaşsyz Döwletler Arkalaşygy ýurtlarynda bolsa, öňdeligi Belarus bilen Russiýa eýeleýär – diýip, Kondraşow belledi.
GDA-nyň giňişliginde kitap okamakda Azerbaýjan bilen Gazagystan degişlilikde 3-nji we 4-nji orunda durýarlar.
Minsk şäherindäki esasy kitap we metbugat pudagynyň sergisine 20-den gowrak döwlet 500-e golaý diwarlyk bilen gatnaşdy. Gatnaşyjy döwletleriň hatarynda – Braziliýa, Wenesuela, Germaniýa, Eýran, Gazagystan, Türkiýe, Siriýa, şeýle hem sergä ilkinji gezek gatnaşýan Birleşen Arap Emirlikleri ýaly döwletler bar.