Dünýädäki iň uly kesilen göwher, Birleşen Arap Emirlikleriniň (BAE) Dubaý şäherinde sergä çykyp başlady. 555.55 karatlyk “Enigma” gara göwheri, “Sotheby’s” -iň auksion öýünde 5 million dollara satylmagyna garaşylýar.
Dünýädäki iň uly kesilen “Enigma” diýlip atlandyrylýan göwher, bir asteroid 2,6-38 milliard ýyl ozal ýere gaçanda döräpdir diýlip pikir edilýär. Onda azot we wodorod, şeýle hem meteoritlerden tapylan mineral osbornit bar. “Enigma” 1990-njy ýyllarda ýakyn gündogarda palma şekilli güýç we gorag nyşany bolan Hamsa tarapyndan ylhamlanan häzirki görnüşine bölünipdi we häzirki eýesi tarapyndan çig görnüşinde satyn alyndy.
Şeýle-de bolsa, bu göwher daşy Dubaýda görkezilenden soň Los Anjelesde, Kaliforniýada we Londonda görkeziler. Soňra 3-nji fewraldan başlap ýedi günlük onlaýn auksiona çykarylar. “Enigma” -nyň 5 million dollara satylmagyna garaşylýar. “Sotheby’s BAE” -niň prezidenti Katia Nounou Boueizi: “Dubaýyň bu seýrek göwher üçin ilkinji duralga hökmünde saýlanandygy we millionlarça ýyl mundan ozal başlanan syýahatynda orun eýeleýändigi üçin diýseň begenýäris” -diýdi.
Beýleki tarapdan, “karbonados” diýlip hem atlandyrylýan gara göwher, tötänleýin kristalografiki ugurlarda mikrokristal gurluşlardan durýar. Bu daşlar garaňky, aç-açan we gözenekli görünse-de, inçe öwüşgin çaýýar. Portugaliýaly magdançylar tarapyndan 1841-nji ýylda ilkinji gezek açylanda, kömür böleklerine meňzeýändigi sebäpli “karbonados” diýilýärdi. “Sotheby” -iň Dubaýdaky zergärçilik hünärmeni Sofi Stiwens: “Karbonado gara göwher gaty gadymy. Ak we beýleki reňkli göwher, adatça kimberlit gaýalarynda bolýar we wulkan atylmagy bilen ýeriň ýüzüne getirilýär. Karbonado göwherleri çökündi alýuwial ýataklarda tapylýar, şonuň üçin akymlar bilen göterilýär” diýdi.
Şeýle hem Stiwens, auksiona çykaryljak göwheriň, asteroidiň ýere degenden we bu göwherleri emele getirýän himiki bug ýygnamagyndan soň dörändigini aýtdy we kripto pullary bilen gelýän teklipleriň bahalandyryljakdygyny, ýagny beýleki göwher daşlary ýaly gara göwher üçin kriptografik walýutalary kabul edýäris diýdi.
Ahal welaýatynyň döwrebap merkezi: birinji tapgyrda 336 bina gurulýar