Italiýada öndürilen kädi, Ginnesiň rekordlar kitabyna 1,226 kilograma barabar dünýädäki iň uly kädi hökmünde girdi.Italiýanyň Toskana şäherindäki Siena şäherinde ösdürilip ýetişdirilen kädi Ginnesiň rekordlar kitabyna girdi we dünýädäki iň uly kädi boldy. Çianti sebitinde Stefano Kutrupi atly daýhan tarapyndan ösdürilip ýetişdirilen kädiniň agramynyň 1,226 kilogramdygy mälim edildi. 2008-nji ýyldan bäri ullakan kädi ösdürip ýetişdirýän Kutrupiniň, 26-njy sentýabrda Pisa şäheriniň golaýyndaky Peçiolide geçirilen “Campionato della Zuccone” kädi festiwalynda hödürlän kädisi Ginnesiň rekordlar kitabynda hasaba alyndy. Gysgaça “Lo Zuccone” diýlip atlandyrylýan bu çärede, kädä “Great Pumpkin Commonwealth” wekilleri baha berdiler, önümiň hiliniň bäsdeşlik üçin ýeterlikdigini tassykladylar.
Rekord goýýan kädi ösümliginiň mart aýynda tohumdan ösdürilip ýetişdirilendigi, daýhan Kutrupi bolsa iýul aýynyň ahyryna çenli dünýäde rekord goýýan kädini alyp biljekdigine düşünendigini aýtdy.
Kutrupi tarapyndan ösdürilip ýetişdirilen kädiniň birinji baýraga mynasyp bolan bäsleşiginde ikinji kädiniň agramy 978,99 kg, üçünjisiniň agramy 794.51 kg boldy.
Geçen tomus global ýylylyk sebäpli Italiýa rekord temperaturany hasaba aldy. Awgust aýynda Sisiliýa sebitinde 48,8 gradus bilen Ýewropanyň rekordy hökmünde hasaba alyndy. Daýhan Kutrupi: “Maý aýynyň ortalarynda Gün, äpet ösümlikleriň ýapraklaryny ýakyp başlady. Iýun aýynyň ortasyndan awgust aýynyň ortalaryna çenli temperatura 33-40 gradus aralygyndady. Howanyň temperaturasy,ösümlikleriň gögermeginden, hasyl alynmagyna çenli möhüm faktor bolup durýar. Ösümlikleriň özlerini iň oňat görnüşde beýan etmegine mümkinçilik bermeklik, bu zerur bolanda ýylatmak, sowatmak, kölege bermek, buglamak, suwarmak-iýmitlemek meselesidir” diýip gürrüň berdi.
“Pecciolo” bäsleşiginden iki hepde soň, Kutrupiniň äpet kädisi 2021-nji ýylyň 10-njy oktýabrynda Ýewropanyň äpet kädi çempionatynda hödürlenmek üçin Germaniýanyň Lýudwigsburg şäherine gitdi.
Gabyklarynyň ýygnanmasyndan soň suwunyň ýitmegi sebäpli massasynyň azalmagyna garamazdan, kädi 1,217.5 kg agramy bilen ýene-de birinji orna mynasyp boldy.
Öňki rekordlar ýazgysyna giren, 2016-njy ýylda Belgiýaly daýhan Matias Willemijns tarapyndan öndürilen 1,190.49 kg agyrlykdaky kädi bolupdy.