“TripAdvisor” syýahatçylyk saýty dünýäniň iň gowy restoranlarynyň sanawyny taýýarlady.
Şoňa laýyklykda, sanawda birinji ýeri fransuz restorany “Auberge Du Vieux Puits” eýeleýär. Ikinji orunda “La Ville Blanche” atly ýene-de bir fransuz restorany barýar. Internet neşiriniň okyjylary bu restoranlary “Arzuw” we “Ajaýyp ýer” diýip atlandyrdylar.
Şeýle hem bu sanawda üçünji orny Argentinanyň “Çila” restorany eýeledi. Mundan başga-da, iň gowy restoranlaryň sanawynyň ilkinji 25-ligine Angliýa, Italiýa, Ispaniýa, Meksika, Ysraýyl, Täze Zelandiýa, Günorta Afrika, Hytaý we Germaniýa ýaly ýurtlaryň restoranlary girdi.