― 27-nji maýda Dubaýyň sport zallary we kinoteatrlary gaýtadan işläp başlar. Ilkinji tapgyrda olara ir sagat 6-dan gije 23-e çenli işledilmäge rugsat berildi.
— Moldowa hökümeti halkara demir ýol, awia we awtobus gatnawlary boýunça çäklendirmeleriň haçan tamamlanjakdygyny yglan etdi. Resmi maglumatlara görä, 30-njy iýundan soňra daşary ýurtlylaryň Moldowa Respublikasyna girmegine rugsat berler.
— BSGG koronowirusyň gelip çykyş çeşmesini takyk öwrenmek üçin Hytaýa bilermenleriň uly toparyny ugradar.
— Ýaponiýada käbir çäklendirmeler doly tamamlandy, şol sanda adamlara köçä çykmak gadaganlygy hem bütinleý ýatyryldy.
— Çernogoriýanyň hökümeti ýurtda koronowirus bilen kesellänleriň ählisiniň sagalandygyny habar berdi.
— Ispaniýanyň hökümeti 1-nji iýuldan başlap, ýurda daşary ýurtly syýahatçylaryň girmegine rugsat berer.
— Gresiýada kafe, restoran we barlar işläp başlady.