Türkmenistanyň Döwlet migrasiýa gullugy Türkmenistanyň raýatynyň biometriki maglumatly pasportyny almak (çalşyrmak) üçin elektron nobata ýazylyş hyzmatyny hödürleýär. Bu hyzmat barada maglumat www.migration.gov.tm saýtynda berilýär. Bildirişde şeýle diýilýär:
Hormatly raýatlar! Türkmenistanyň raýatynyň biometriki maglumatly pasportyny almak (çalşyrmak) üçin elektron nobata ýazylyş (hyzmat tölegli) hyzmatyndan peýdalanmak üçin Türkmenistanyň Döwlet migrasiýa gullugynyň www.migration.gov.tm internet saýtyny ulanyp bilersiňiz.
Nobata ýazylmak üçin
https://nobat.migration.gov.tm/
Nobata ýazylmazdan öň bilmeli zatlar:
- Nobata durmak üçin özüňize amatly wagty saýlamaly.
- Saýlan wagtyňyzdan 10 minut öň gelmeli.
- Saýlan wagtyňyzdan gijä galan ýagdaýyňyzda nobata täzeden durmaly.
- Ulgamyň üsti bilen biometriki maglumatly pasport resmileşdirmek üçin hem-de migrasiýa edaralarynyň müdirleriniň kabul edişligine nobata ýazylyp bilersiňiz!
- Online nobat hyzmaty tölegli.
