5G tehnologiýaly mobil aragatnaşyk enjamlary kem-kemden durmuşymyza aralaşyp başlady. Dünýäniň köp ýurdunda 5G tehnologiýasy synagdan geçirildi we geçirilýär. Ine, şu döwürde 5G tehnologiýasy bilen işlemäge ukyply Koreýä Respublikasynyň“Samsung” kompaniýasynyň “Galaxy Tab S6 5G” planşeti köpçülige hödürledi. Bu planşet şu günden başlap, satuwa çykaryldy.
Bu enjamyň gurluşy geçen ýyl öndürilen «Galaxy Tab S6» bilen deňdir. Häzirlikçe bu planşet diňe Koreýa Respublikasynda satylýar. 6 gigabaýt işleýiş ulgamly 128 gigabaýt ýady bilen bu planşet 999 müň 900 won (takmynan 850 dollar) möçberinde satylyp başlady.
Şeýle hem “Samsung” kompaniýasy 2019-njy ýylda 5G smartfonlaryň önümçiliginde dünýäde ikinji orny eýeledi. Bu kompaniýa 6,7 million 5G ulgamly telefon öndürip, bu bazaryň 35,8 göterimini eýeledi. Kompaniýanyň “Galaxy Note 10 5G” hem-de “Galaxy S10 5G” telefonlary has meşhurdyr.