Argentinaly futbolçy Paulo Dibala Italiýanyň “Roma” toparynda oýnar. Bu barada Rim toparynyň resmi saýtynda bellenilip geçilýär.
28 ýaşyndaky futbolçy bilen 3 ýyllyk şertnama baglaşyldy. Argentin futbolçy erkin futbolçy hökmünde “Roma” topary bilen ylalaşyga geldi. Ol ozal Italiýanyň başga bir güýçli topary “Ýuwentus” toparynyň düzüminde çykyş edýärdi.
Dibala täze toparynda 21 belgili köýnekçede çykyş eder.
Rim şäheriniň topary geçen möwsümde UEFA-nyň gurnaýan üçünji derejeli kubogy bolan Konferensiýa ligasynyň kubogyny gazandy.
Paulo Dibala 2015-nji ýylda “Palermo” toparyndan “Ýuwentus” toparyna geçipdi. Ol Turin şäheriniň toparynyň düzüminde 5 gezek Italiýanyň çempiony boldy. 3 gezekden Italiýanyň Kubogynyň we Superkubogynyň eýesi boldy.
Ol bu toparyň düzüminde 293 duşuşykda oýnap, 115 gezek tapawutlandy.
Aşgabat bilen Tbilisi arasynda göni gatnawlar ýola goýlar