Saud Arabystanyda geçirilen dünýäniň iň kynçylykly bäsleşikleriniň biri bolan Dakar rallisi tamamlandy. Ýeňil awtoulag sürüjileriniň arasynda “MINI” toparyndan ispaniýaly Karlos Saýns ýeňiji boldy. 57 ýaşly sport ussady bolan Saýns bu ugurda özüniň esasy bäsdeşi Kataryň raýaty Nasser Al-Attiýadan öňe saýlandy. Şeýle hem ol meşhur fransuz türgeni Stefan Petrenseli hem yzda galdyrdy.
Motosikl sürüjileriniň arasynda birinjiligi ilkinji gezek Rikki Brabek gazandy. 12 tapgyryň ahyrynda “Honda” toparynyň adyndan çykyş eden amerikaly Rikki Brabek 40 sagat 2 minut 36 sekunt görkezijä eýe boldy. Bu ugurda ikinji orny Pablo Kintanilýa eýeledi.
Ýük ulaglarynyň arasynda birinjiligi Andreý Karginowyň ýolbaşçylygyndaky Russiýanyň “Kamaz-master” topary eýeledi.