Köp tehnologiýa kompaniýalary düýn ABŞ-da başlanan “CES 2022” ýarmarkasynda önümlerini mahabatlandyrýarlar. Şu wagta çenli ulanyjylara täze telefonlardan sürüjisiz traktorlara çenli köp önüm hödürlendi.
Dünýäde öňdebaryjy sarp ediji elektronika ýarmarkalarynyň biri bolan “CES 2022” başlandy. Pandemiýa sebäpli bir gün ir gutarjak “CES 2022”, ABŞ-nyň Las Wegas şäherinde geçirilýär. Käbir kompaniýalar, şol sanda “Apple” pandemiýa sebäpli ýarmarkadan çekildi, ýöne “CES 2022”-de ýüzlerçe dürli önüm hödürlendi.
Ulanyjylara hödürlenýän önümleriň esasy saýlananlary …
“Sony”
“Sony” täze displeý tehnologiýasy bilen ilkinji sarp ediji telewideniýesini hödürledi. “QD-OLED” displeý tehnologiýasynyň ekranyň ýagtylygyny ýokarlandyrýandygy aýdylýar. “QD-OLED” displeýleri kwant deşikleri arkaly gök çyrany alýar we käbirlerini gyzyl we ýaşyl ýagtylyga öwürýär. Bu ýagdaýyň ekrandaky reňk ýagtylygyny, başgaça aýdylanda, aýdyňlygyny 200 göterime çenli ýokarlandyryp biljekdigi öňe sürülýär. ABŞ-da hödürlenen bu ýokary segmentli telewizoryň bahasy heniz belli däl.
Şeýle hem, “Sony” täze “PlayStation” wirtual hakykat gulaklygynyň adyny hödürledi. Enjam “PlayStation VR2” diýlip atlandyrylar. Şeýle-de bolsa, kompaniýa “VR2”-iň keşbini paýlaşmady.
“AMD” we “RVIDIA” prosessorlary
Dünýäniň öňdebaryjy çip we prosessor öndürijileri “CES 2022”-de her ýylky bildirişlerini berýärler. “AMD” ýakynda “Ryzen 6000” seriýaly prosessoryny hödürledi. Noutbuklar üçin işlenip düzülen bu prosessor “AMD”-iň “Zen 3 Plus” arhitekturasy bilen üpjün edilýär. Bu 6nm çipde möhüm ösüşleriň edilendigi öňe sürüldi. Beýleki tarapdan, “Nvidia 3070 Ti” we “3080 Ti” grafiki prosessorlaryny hem hödürledi. Bahasy 1499 dollar we 2499 dollar bolan grafiki kartlar 1-nji fewralda ABŞ-da satuwa çykarylar.
“SAMSUNG”
“Samsung”, “S21” maşgalasynyň arzan agzasy “S21FE”-ni hödürledi. Şeýle hem, kompaniýa ulanyjylara dünýäde ilkinji “4K 240Hz” oýun monitoryny hödürledi.
Sürüjisiz traktor
“Deere” traktor kompaniýasy dünýädäki ilkinji sürüjisiz traktory tanatdy. Oba hojalygynda mehanizasiýa we adamsyzlygyň iň soňky mysaly, traktor “GPS”, kamera we emeli intellekt bilen enjamlaşdyrylandyr.
“LG”
Günorta Koreýanyň tehnologiýa ägirdi “LG”, “CES 2022”-de köp enjam hödürledi. Kompaniýa ilki “G2 OLED” telewideniýesini görkezdi. “G2” seriýasynda 55 dýuýmdan 95 dýuýma çenli wariant bar. Mundan başga-da, pandemiýa bilen has köp sarp edilýän howa arassalaýjy hem girizildi. Golaýda “LG”, “Vision OmniPod” atly sürüjisiz ulag düşünjesini hem paýlaşdy. Bu gural ulanyjyny gönüden-göni “metaverse” dünýäsine birleşdirýär.