UEFA-nyň Çempionlar ligasynyň 1/8 finalynyň jogap duşuşyklary geçirildi. Italiýanyň “Ýuwentus” topary öz meýdançasynda Portugaliýanyň “Porto” toparyny kabul etdi. Germaniýanyň “Borussiýa Dortmund” topary Ispaniýanyň “Sewilýa” topary bilen duşuşdy.
Kristiano Ronaldoly “Ýuwentus” topary duşuşykda 3:2 hasabynda utandygyna garamazdan, “Porto” topary garşydaşynyň meýdançasynda 2 gol geçirendigi hem-de ilkinji duşuşykda 2:1 hasabynda üstün çykandygy üçin indiki tapgyra çykdy. Ronaldonyň topary şowsuzlyga uçrady. Ronaldo 15 ýyldan soňra bu ýaryşyň 1/8 finalynda gol geçirip bilmedi.
“Borussiýa Dortmund” topary bolsa Ispaniýanyň “Sewilýa” topary bilen 2:2 hasabynda deňme-deň oýnap, indiki tapgyra çykdy. Bu toparlaryň arasyndaky ilkinji duşuşyk 3:2 hasabynda nemes toparynyň peýdasyna tamamlanypdy.
bu duşuşykda hem 2 gezek tapawutlanan “Borussiýa Dortmund” toparynyň hüjümçisi Erlin Holand Çempionlar ligasynda rekorda barýar. Ol gollarynyň sanyny 20-ä ýetirdi we bu ýaryşda 20 gola ýeten ilkinji ýaş futbolçy boldy.