Bütindünýä çaga güni : Sanly maslahat

Hormatly Prezidentimiziň ýadawsyz aladalary we uly tagallalary netijesinde ýurdumyzda çagalygy goramak, çagalaryň we ýaşlaryň saglygyny saklamak hem-de hemmetaraplaýyn ösmegini gazanmak, olary özbaşdak durmuşa we zähmete taýýarlamak bilen bir hatarda ýurduň durmuşyna işjeň gatnaşmaklary üçin maddy we durmuş ýeňillikleriniň, artykmaçlyklarynyň we ileri tutulmalarynyň köptaraplaýyn ulgamy we ygtybarly hukuk hem-de durmuş kepillikleri döredildi.

Hal­ka­ra hu­kuk na­ma­la­ryn­da ça­ga­la­ry go­ra­mak, ça­ga­la­ryň hu­kuk­la­ry we azatlyk­la­ry ba­ra­da­ky me­se­le­ler esa­sy orun tut­ýar. Ol hal­ka­ra hu­kuk resminamalarynyň iň esa­sy­la­ry­nyň bi­ri-de, BMG-niň Baş As­samb­le­ýa­sy tarapyndan 1989-njy ýy­lyň 20-nji no­ýab­ryn­da ka­bul edi­len Ça­ga­nyň hu­kuk­la­ry hakyn­da­ky Konwen­si­ýa­dyr. Türk­me­nis­tan bu Kon­wen­si­ýa­ny 1994-nji ýy­lyň sentýabr aýyn­da tas­syk­lap, oňa gat­na­şy­jy döw­let hök­mün­de go­şul­dy. Bu Konwensiýa ça­ga­la­ryň hukuk­la­ry­na de­giş­li ka­nun taý­dan ber­ki­di­len il­kin­ji Konwen­si­ýa bo­lup, dün­ýä­niň äh­li ça­ga­la­ry­nyň adam hu­kuk­la­ry­nyň esas­la­ry­ny öz içi­ne jem­le­ýär. Bu kon­wen­si­ýanyň kabul edilen güni bilen Bütindünýä çaga gününiň bellenilmegi bu günki günüň ähmiýetini has-da artdyrýar.

2020-nji ýylyň 20-nji noýabrynda Birleşen Milletler Guramasynyň Çagalar Gaznasynyň (ÝUNISEF) Türkmenistandaky wekilhanasynyň gurnamagynda Bütindünýä Çagalar güni we Çaganyň hukuklary hakynda Konwensiýanyň kabul edilmegi mynasybetli sanly wideo aragatnaşyk arkaly maslahat geçirildi. Bu maslahata ýurdumyzyň ministrlikleriniň, pudak edaralarynyň, jemgyýetçilik guramalarynyň, ýokary okuw mekdepleriniň hem-de köpçülikleýin habar-beriş serişdeleriniň wekilleri gatnaşdylar. Maslahatyň dowamynda degişli wekiller çaganyň hukuklary bilen baglanyşykly hem-de 2020-nji ýylyň dowamynda Birleşen Milletler Guramasynyň Çagalar Gaznasynyň Türkmenistandaky wekilhanasyny, Döwlet, hukuk we demokratiýa instituty, Türkmenistanyň saglygy goraýyş we derman senagaty ministrligi, Türkmenistanyň Bilim ministrligi, Türkmenistanyň zähmet we ilaty durmuş taýdan goramak ministrligi, Türkmenistanyň Telewideniýe, radiogepleşikler we kinematografiýa baradaky döwlet komiteti ýurdumyzda kabul edilen maksatnamalaryň çäginde ýerine ýetiren işleri barada hasabat bilen çykyş edip, 2021-2025-nji ýyllar üçin her bir çaganyň bähbidi üçin täze hyzmatdaşlyk baradaky maksatnamanyň ähmiýeti barada pikir alyşdylar.

Merjen GURBANNAZAROWA,

Türkmenistanyň Daşary işler ministrliginiň

Halkara gatnaşyklary institutynyň

Halkara hukugy we deňeşdirme hukuk öwreniş

kafedrasynyň uly mugallymy.

Degişli habar

Bütindünýä çagalar gününe bagyşlanan sanly maslahat